Cyfieithiad o’r fersiwn Saesneg gwreiddiol yw hwn, a ddarperir er hwylustod i chi. Os oes unrhyw wahaniaeth rhwng y ddau fersiwn, y fersiwn Saesneg fydd yn drech.

Dyddiad Dod i Rym: Awst 2025

---

1. Diben y Ddogfen Hon

Mae’r Polisi Preifatrwydd hwn yn esbonio sut mae My Future Choice Group Limited (“MyFutureChoice”, “ni” neu “ein”) yn casglu, yn defnyddio, yn storio ac yn diogelu data personol myfyrwyr sy’n defnyddio ein rhaglenni addysg gyrfaoedd, p’un a ydynt wedi’u prynu’n uniongyrchol gan y myfyriwr neu wedi’u darparu drwy ysgol, coleg, prifysgol, cynghorydd arweiniad preifat neu sefydliad addysgol arall.

Rydym wedi ymrwymo i ddiogelu eich preifatrwydd ac i gydymffurfio â Rheoliad Cyffredinol y DU ar Ddiogelu Data (GDPR y DU), Rheoliad Cyffredinol yr UE ar Ddiogelu Data (GDPR yr UE), a’r cyfreithiau preifatrwydd cymwys mewn gwledydd eraill lle defnyddir ein gwasanaethau.

---

2. Pwy Ydym Ni

Sefydliad: My Future Choice Group Limited
Rhif y Cwmni: 14104709 (Cofrestrwyd yng Nghymru a Lloegr)
Cyfeiriad Cofrestredig: 97 Alderley Road, Wilmslow, Cheshire, SK9 1PT, y Deyrnas Unedig
Ffôn (DU): +44 (0)1362 688722
Ffôn (Iwerddon): +353 1903 6810
E-bost: [email protected]

---

3. Ein Rôl wrth Brosesu Eich Data

Mae’r ffordd y mae MyFutureChoice yn defnyddio eich data personol yn dibynnu ar sut rydych yn cael mynediad at ein rhaglenni:

• Prynu’n Uniongyrchol eich Hun: Os byddwch yn prynu mynediad at ein rhaglenni’n uniongyrchol gan MyFutureChoice, rydym yn gweithredu fel y Rheolydd Data. Mae hyn yn golygu mai ni sy’n penderfynu sut a pham y caiff eich data personol ei brosesu.
• Mynediad drwy Ysgol, Coleg, Prifysgol, Cynghorydd Arweiniad Preifat neu Sefydliad Addysgol Arall: Os caiff eich mynediad ei drefnu a’i dalu gan sefydliad addysgol neu ddarparwr arweiniad (gan gynnwys ysgolion a ariennir gan y wladwriaeth, ysgolion preifat, a Byrddau Addysg a Hyfforddiant yn Iwerddon), rydym yn gweithredu fel y Prosesydd Data ar eu rhan. Yn yr achosion hyn, y sefydliad neu’r darparwr yw’r Rheolydd Data ac mae’n gyfrifol am benderfynu sut a pham y caiff eich data personol ei brosesu, ac rydym ninnau’n ei brosesu yn unol â’u cyfarwyddiadau.

---

4. Diben y Prosesu

Rydym yn casglu ac yn prosesu data personol er mwyn darparu arweiniad gyrfaoedd wedi’i bersonoli drwy ein hoffer sydd wedi’u dilysu’n seicometrig a’n hadnoddau cysylltiedig. Mae’r wybodaeth hon yn hanfodol er mwyn darparu canlyniadau asesiad cywir, argymhellion wedi’u teilwra, ac adnoddau addysg gyrfaoedd perthnasol i’ch cefnogi wrth wneud penderfyniadau. Dim ond y data sy’n angenrheidiol i gyflawni’r diben hwn yr ydym yn ei gasglu.

---

5. Y Data a Gasglwn

Gallwn gasglu’r wybodaeth ganlynol pan fyddwch yn defnyddio ein gwasanaethau:

• Gofynnol: Eich enw a’ch cyfeiriad e-bost.
• Dewisol (yn dibynnu ar eich proffil a’ch gosodiadau): Rhif ffôn, cyfeiriad e-bost arall, dyddiad geni, enw’r ysgol, grŵp blwyddyn, dosbarth cofrestru, cynghorydd gyrfaoedd penodedig, manylion defnyddio’r rhaglenni, dewis iaith, gwlad, a chylchfa amser.
• Data a Gesglir yn Awtomatig: Data technegol a data defnydd megis amseroedd mewngofnodi, gweithgarwch o fewn y platfform, a gwybodaeth am y porwr/dyfais.

Nid ydym yn casglu data personol sensitif (megis iechyd, ethnigrwydd, crefydd neu rywioldeb) at ddibenion darparu ein rhaglenni arweiniad gyrfaoedd.

---

6. Sut Rydym yn Casglu Data

Rydym yn casglu eich data:

• Yn uniongyrchol gennych chi pan fyddwch yn cofrestru neu’n defnyddio ein platfformau.
• Gan eich ysgol, coleg, prifysgol neu ddarparwr arweiniad pan fyddant yn sefydlu eich cyfrif.
• Drwy ddulliau awtomataidd megis cwcis a logiau gweithgarwch.

---

7. Seiliau Cyfreithlon dros Brosesu

Mae ein seiliau cyfreithlon o dan GDPR y DU/GDPR yr UE yn dibynnu ar sut y darperir eich mynediad:

• Prynu uniongyrchol: Rheidrwydd contractiol (er mwyn darparu’r gwasanaeth) a buddiant dilys (er mwyn gwella ein hadnoddau a’n gwasanaethau).
• Drwy sefydliad neu ddarparwr addysgol: Buddiant dilys neu reidrwydd contractiol, fel y penderfynir gan eich Rheolydd Data.
• Efallai y byddwn hefyd yn dibynnu ar gydsyniad ar gyfer gweithgareddau dewisol penodol, megis cyfathrebiadau marchnata (os cânt eu cynnig).

---

8. Rhannu Data

Gallwn rannu eich data â:

• Eich ysgol, coleg, prifysgol neu ddarparwr arweiniad (os yw’n berthnasol).
• Staff a chynghorwyr awdurdodedig MyFutureChoice.
• Darparwyr gwasanaethau trydydd parti dibynadwy (e.e. gwe-letya, dadansoddeg, cymorth TG) sydd wedi’u rhwymo gan rwymedigaethau contractiol i gadw eich data’n ddiogel.
• Awdurdodau cyhoeddus neu reoleiddwyr, os yw’r gyfraith yn ei gwneud yn ofynnol.

Nid ydym yn gwerthu eich data personol nac yn ei rannu at ddibenion marchnata.

---

9. Cymhwysedd Byd-eang & Lleoliad Data

Mae MyFutureChoice wedi’i leoli yn y Deyrnas Unedig ac mae’n cydymffurfio â GDPR y DU a GDPR yr UE.

• Myfyrwyr yn y DU: Caiff data personol ei storio’n ddiogel yn y Deyrnas Unedig.
• Myfyrwyr yn yr UE ac yn Iwerddon: Caiff data personol ei storio’n ddiogel yn yr Undeb Ewropeaidd ac nid yw’n cael ei drosglwyddo y tu allan i’r UE.

Pan fydd ein gwasanaethau’n cael eu darparu y tu allan i’r DU neu’r UE, rydym yn cydymffurfio â’r cyfreithiau lleol perthnasol ym maes diogelu data a phreifatrwydd. Os daw’n angenrheidiol yn y dyfodol i drosglwyddo data personol y tu allan i’r DU neu’r UE, dim ond pan fydd mesurau diogelu priodol ar waith y bydd hynny’n digwydd, megis Cytundeb Trosglwyddo Data Rhyngwladol y DU (IDTA) neu Gymalau Contractiol Safonol yr UE (SCCs), a dim ond lle y caniateir hynny yn gyfreithiol.

---

10. Cadw Data

Rydym yn cadw data personol am hyd at 10 mlynedd o ddiwedd eich cyfnod mynediad, oni bai bod y gyfraith yn mynnu cyfnod byrrach neu fod cais i ddileu yn cael ei wneud. Ar ôl y cyfnod hwn, efallai y byddwn yn cadw data dienw at ddibenion ymchwil ac adrodd.

---

11. Eich Hawliau

Yn dibynnu ar eich lleoliad a’r gyfraith gymwys, mae gennych yr hawl i:

• Gael mynediad at gopi o’ch data personol.
• Ofyn am gywiro gwybodaeth anghywir.
• Ofyn am ddileu eich data.
• Wrthwynebu prosesu ar sail buddiannau dilys.
• Gyfyngu ar brosesu mewn rhai amgylchiadau.
• Ofyn am gopi o’ch data mewn fformat cludadwy.

Gallwch wneud cais drwy gysylltu â ni gan ddefnyddio’r manylion yn Adran 2. Byddwn yn ymateb cyn pen mis, fel sy’n ofynnol yn ôl y gyfraith.

---

12. Diogelu

Rydym wedi ymrwymo i greu amgylchedd diogel a chefnogol i holl ddefnyddwyr ein gwasanaethau. I gael rhagor o wybodaeth, darllenwch ein Polisi Diogelu.

---

13. Newidiadau i’r Polisi Hwn

Efallai y byddwn yn diweddaru’r Polisi Preifatrwydd hwn o bryd i’w gilydd. Caiff unrhyw newidiadau eu cyhoeddi ar y dudalen hon, a chaiff y “Dyddiad Dod i Rym” ei ddiweddaru yn unol â hynny. Pan fo’r gyfraith yn ei gwneud yn ofynnol, byddwn yn rhoi gwybod i chi am newidiadau sylweddol.

---

14. Cwynion

Os oes gennych bryderon ynghylch sut rydym yn trin eich data, cysylltwch â ni yn gyntaf er mwyn i ni allu datrys y mater:

E-bost: [email protected]

Mae gennych hefyd yr hawl i gyflwyno cwyn i:

Yn y DU:
Swyddfa’r Comisiynydd Gwybodaeth (ICO)
Wycliffe House, Water Lane, Wilmslow, Cheshire SK9 5AF
www.ico.org.uk

Yn yr UE:
Gallwch gysylltu â’ch Awdurdod Diogelu Data lleol.