Cyfieithiad o’r fersiwn Saesneg gwreiddiol yw hwn, a ddarperir er hwylustod i chi. Os oes unrhyw wahaniaeth rhwng y ddau fersiwn, y fersiwn Saesneg fydd yn drech.

Hysbysiad Preifatrwydd i Gwsmeriaid

Beth yw diben y ddogfen hon?
Mae’r hysbysiad preifatrwydd hwn yn amlinellu sut rydym ni, My Future Choice Group Limited (“MyFutureChoice” o hyn ymlaen), cwmni cyfyngedig sydd wedi’i gofrestru yn Lloegr o dan rif cwmni 14104709, yn casglu, yn storio ac yn defnyddio’r data personol a ddarperir gennych i ni drwy eich defnydd o’n gwefannau, er enghraifft pan fyddwch yn cofrestru i gael ein cylchlythyr a/neu pan fyddwch yn prynu ein rhaglenni neu ein llyfrau, yn gofyn am wybodaeth neu’n cofrestru ar gyfer digwyddiadau (boed drwy ein gwefan, neu dros y ffôn neu drwy e-bost).

Rydym wedi ymrwymo i ddiogelu eich gwybodaeth bersonol. Pryd bynnag y byddwch yn darparu gwybodaeth bersonol i ni, mae’n ofynnol i ni yn ôl y gyfraith ei defnyddio yn unol â’r holl gyfreithiau sy’n ymwneud â diogelu gwybodaeth bersonol (yn yr hysbysiad preifatrwydd hwn, cyfeiriwn at y cyfreithiau hyn gyda’i gilydd fel y “cyfreithiau diogelu data”).

Mae’r hysbysiad preifatrwydd hwn yn berthnasol i gwsmeriaid sy’n prynu rhaglenni neu lyfrau gennym a/neu sy’n defnyddio ein gwefannau. Mae’n bwysig eich bod yn darllen yr hysbysiad hwn, ynghyd ag unrhyw hysbysiad neu bolisi preifatrwydd arall y gallwn ei ddarparu ar achlysuron penodol pan fyddwn yn casglu neu’n prosesu gwybodaeth bersonol.

Pa wybodaeth y byddwn yn ei chasglu amdanoch?
Ystyr data personol, neu wybodaeth bersonol, yw unrhyw wybodaeth am unigolyn y gellir adnabod yr unigolyn hwnnw ohoni. Nid yw’n cynnwys data lle mae’r hunaniaeth wedi’i dileu (data dienw).

Gallwn gasglu, storio a defnyddio’r categorïau canlynol o wybodaeth bersonol amdanoch:

• Manylion hunaniaeth a chyswllt, megis eich enw, eich teitl, eich cyfeiriad bilio, eich cyfeiriad danfon, eich cyfeiriad e-bost a’ch rhif ffôn.
• Data ariannol, megis manylion eich cyfrif banc a’ch cerdyn talu.
• Data trafodion, gan gynnwys manylion am daliadau i chi ac oddi wrthych a manylion eraill am gynhyrchion rydych wedi’u prynu gennym.
• Data technegol a data defnydd am y ffordd rydych yn defnyddio ein gwefan ac am eich offer, eich gweithredoedd pori a’ch patrymau pori.
• Data marchnata a chyfathrebu, gan gynnwys eich dewisiadau o ran cael deunydd marchnata gennym ni a’n trydydd partïon, a’ch dewisiadau cyfathrebu.

Gallwn hefyd gasglu, defnyddio a rhannu data cyfanredol, megis data ystadegol neu ddemograffig, at unrhyw ddiben. Gall data cyfanredol ddeillio o’ch data personol, ond nid yw’n cael ei ystyried yn ddata personol yn ôl y gyfraith gan nad yw’r data hwn yn datgelu eich hunaniaeth yn uniongyrchol nac yn anuniongyrchol. Er enghraifft, gallwn gyfanredu eich data defnydd i gyfrifo canran y defnyddwyr sy’n cyrchu nodwedd benodol ar y wefan. Fodd bynnag, os byddwn yn cyfuno neu’n cysylltu data cyfanredol â’ch data personol fel y gall eich adnabod yn uniongyrchol neu’n anuniongyrchol, byddwn yn trin y data cyfunedig fel data personol a gaiff ei ddefnyddio yn unol â’r hysbysiad preifatrwydd hwn.

Nid ydym yn casglu unrhyw gategorïau arbennig o ddata personol amdanoch (mae hyn yn cynnwys manylion am eich hil neu’ch ethnigrwydd, eich credoau crefyddol neu athronyddol, eich bywyd rhywiol, eich cyfeiriadedd rhywiol, eich barn wleidyddol, eich aelodaeth o undeb llafur, gwybodaeth am eich iechyd, a data genetig a biometrig). Nid ydym ychwaith yn casglu unrhyw wybodaeth am euogfarnau a throseddau.

Sut y byddwn yn casglu ac yn defnyddio eich gwybodaeth bersonol?
Fel arfer, byddwn yn casglu eich gwybodaeth bersonol yn uniongyrchol gennych chi drwy eich defnydd o’n gwefan, neu os byddwch yn mynychu digwyddiad a gynhelir gennym. Rydym yn defnyddio dulliau gwahanol i gasglu data gennych ac amdanoch, gan gynnwys drwy:

• Rhyngweithio uniongyrchol. Gallwch roi eich gwybodaeth bersonol i ni wrth gyfarfod â ni yn ein digwyddiadau, drwy lenwi ffurflenni ar ein gwefan, neu drwy ohebu â ni drwy’r post, dros y ffôn, drwy e-bost neu fel arall. Mae hyn yn cynnwys data personol a ddarperir gennych pan fyddwch yn prynu ein cynhyrchion, yn tanysgrifio i’n cylchlythyr neu i gyhoeddiadau eraill, yn gofyn i ni anfon deunydd marchnata atoch neu’n rhoi adborth i ni.
• Technolegau neu ryngweithiadau awtomataidd. Wrth i chi ryngweithio â’n gwefan, gallwn gasglu data technegol yn awtomatig am eich offer, eich gweithredoedd pori a’ch patrymau pori. Rydym yn casglu’r data personol hwn drwy ddefnyddio cwcis, logiau gweinydd a thechnolegau tebyg eraill. Gallwn hefyd ddefnyddio darparwyr dadansoddeg megis Google i gasglu data technegol.

Byddwn yn defnyddio eich data personol dim ond pan fydd y gyfraith yn caniatáu i ni wneud hynny. Yn fwyaf cyffredin, byddwn yn defnyddio eich data personol o dan yr amgylchiadau canlynol:

• Pan fydd angen i ni gyflawni’r contract rydym ar fin ymrwymo iddo, neu wedi ymrwymo iddo, gyda chi.
• Pan fydd hynny’n angenrheidiol at ddibenion ein buddiannau cyfreithlon (neu fuddiannau trydydd parti) ac nad yw eich buddiannau a’ch hawliau sylfaenol yn drech na’r buddiannau hynny.
• Pan fydd angen i ni gydymffurfio â rhwymedigaeth gyfreithiol neu reoleiddiol.

Dibenion y byddwn yn defnyddio eich gwybodaeth bersonol ar eu cyfer
Rydym wedi nodi isod, ar ffurf tabl, ddisgrifiad o’r ffyrdd rydym yn bwriadu defnyddio eich data personol, a pha seiliau cyfreithiol rydym yn dibynnu arnynt i wneud hynny. Rydym hefyd wedi nodi beth yw ein buddiannau cyfreithlon lle bo’n briodol. Sylwch y gallwn brosesu eich data personol ar fwy nag un sail gyfreithlon, yn dibynnu ar y diben penodol rydym yn defnyddio eich data ar ei gyfer. Cysylltwch â ni os oes angen manylion arnoch am y sail gyfreithiol benodol rydym yn dibynnu arni i brosesu eich data personol pan fo mwy nag un sail wedi’i nodi yn y tabl isod.

Diben/Gweithgaredd	Sail gyfreithlon dros brosesu, gan gynnwys sail buddiant cyfreithlon
Prosesu a danfon eich archeb, a rheoli ein perthynas â chi fel arall.	Cyflawni contract gyda chi. Angenrheidiol at ddibenion ein buddiannau cyfreithlon (i ddiweddaru ein cofnodion ac i astudio sut mae cwsmeriaid yn defnyddio ein cynhyrchion/gwasanaethau)
Gweinyddu a diogelu ein busnes a’r wefan hon (gan gynnwys datrys problemau, dadansoddi data, profi, cynnal a chadw systemau, cymorth, adrodd a lletya data).	Angenrheidiol at ddibenion ein buddiannau cyfreithlon (ar gyfer rhedeg ein busnes, darparu gwasanaethau gweinyddol a TG, diogelwch rhwydwaith, atal twyll ac ati) Angenrheidiol i gydymffurfio â rhwymedigaeth gyfreithiol
Darparu cynnwys perthnasol ar y wefan i chi a defnyddio dadansoddeg data i wella ein gwefan, ein cynhyrchion/gwasanaethau, ein marchnata, ein perthnasoedd â chwsmeriaid a phrofiadau cwsmeriaid	Angenrheidiol at ddibenion ein buddiannau cyfreithlon (i gadw ein gwefan yn gyfredol ac yn berthnasol, i astudio sut mae cwsmeriaid yn defnyddio ein cynhyrchion/gwasanaethau, i’w datblygu, i dyfu ein busnes ac i lywio ein strategaeth farchnata)
Gwneud awgrymiadau ac argymhellion i chi am nwyddau neu wasanaethau a allai fod o ddiddordeb i chi.	Angenrheidiol at ddibenion ein buddiannau cyfreithlon (i ddatblygu ein cynhyrchion/gwasanaethau ac i dyfu ein busnes)

Pan fydd angen i ni gasglu eich data personol at y dibenion a nodir uchod (er enghraifft, i ymrwymo i gontract gyda chi neu i’w gyflawni), os na fyddwch yn darparu’r data hwnnw pan ofynnir amdano, mae’n bosibl na fyddwn yn gallu cyflawni’r contract sydd gennym gyda chi, neu’r contract rydym yn ceisio ymrwymo iddo gyda chi (er enghraifft, i ddarparu i chi’r cynhyrchion
rydych yn dymuno eu prynu neu’r cylchlythyr rydych yn dymuno ei gael), neu mae’n bosibl na fyddwn yn gallu darparu ein gwasanaethau i chi fel arall (er enghraifft, ymateb i gais neu ymholiad rydych yn ei gyflwyno i ni).

Marchnata
Gallwn ddefnyddio eich data hunaniaeth, cyswllt, technegol a defnydd i ffurfio barn ar yr hyn y credwn y gallech fod ei eisiau neu ei angen, neu’r hyn a allai fod o ddiddordeb i chi. Dyma sut rydym yn penderfynu pa gynhyrchion a chynigion a allai fod yn berthnasol i chi.

Byddwch yn cael cyfathrebiadau marchnata gennym os ydych wedi gofyn am wybodaeth gennym neu wedi prynu nwyddau gennym ac, ym mhob achos, nad ydych wedi optio allan o gael y marchnata hwnnw. Gallwch optio allan o gael negeseuon marchnata gennym ar unrhyw adeg.

Sut rydym yn defnyddio cwcis pan fyddwch yn cyrchu ein gwefan
Ffeil fach yw cwci sy’n gofyn am ganiatâd i gael ei gosod ar yriant caled eich cyfrifiadur. Unwaith y byddwch yn cytuno, caiff y ffeil ei hychwanegu ac mae’r cwci yn helpu i ddadansoddi traffig gwe neu’n rhoi gwybod i chi pan fyddwch yn ymweld â gwefan benodol. Mae cwcis yn galluogi cymwysiadau gwe i ymateb i chi fel unigolyn. Gall y cymhwysiad gwe deilwra ei weithrediadau i’ch anghenion, i’r hyn rydych yn ei hoffi ac i’r hyn nad ydych yn ei hoffi drwy gasglu a chofio gwybodaeth am eich dewisiadau.

Gallwch osod eich porwr i wrthod pob cwci porwr neu rai ohonynt, neu i’ch rhybuddio pan fydd gwefannau’n gosod neu’n cyrchu cwcis. Os byddwch yn analluogi neu’n gwrthod cwcis, sylwch y gallai rhai rhannau o’r wefan hon fod yn anhygyrch neu beidio â gweithio’n iawn.

Dolenni i wefannau eraill
Gall ein gwefan gynnwys dolenni i wefannau eraill a allai fod o ddiddordeb. Fodd bynnag, unwaith y byddwch wedi defnyddio’r dolenni hyn i adael ein gwefan, dylech nodi nad oes gennym unrhyw reolaeth dros y wefan arall honno. Felly, ni allwn fod yn gyfrifol am ddiogelu a phreifatrwydd unrhyw wybodaeth a roddwch wrth ymweld â gwefannau o’r fath, ac nid yw’r datganiad preifatrwydd hwn yn llywodraethu gwefannau o’r fath. Dylech fod yn ofalus ac edrych ar y datganiad preifatrwydd sy’n berthnasol i’r wefan dan sylw.

Sut y byddwn yn rhannu ac yn datgelu eich gwybodaeth bersonol?

Gallwn rannu eich gwybodaeth bersonol â thrydydd partïon pan fo’n ofynnol yn ôl y gyfraith, pan fo’n angenrheidiol er mwyn gweinyddu’r berthynas waith â chi, neu pan fo gennym sail gyfreithlon arall dros wneud hynny.

Efallai y bydd angen i ni rannu eich gwybodaeth bersonol â’r partïon canlynol at y dibenion perthnasol a nodir uchod:

• Ein darparwyr taliadau (megis Stripe, PayPal a WorldPay).
• Ein darparwyr gwasanaethau sy’n cyflenwi gwasanaethau TG a gweinyddu systemau a gwasanaethau TG technegol eraill, gan gynnwys dadansoddeg data.

Nid ydym yn caniatáu i’n darparwyr gwasanaethau trydydd parti ddefnyddio eich data personol at eu dibenion eu hunain, a dim ond at ddibenion penodedig ac yn unol â’n cyfarwyddiadau y byddwn yn caniatáu iddynt brosesu eich data personol.

Pan fo’r trydydd partïon a ddefnyddiwn yn rheolyddion data yn eu rhinwedd eu hunain (er enghraifft, y proseswyr taliadau a ddefnyddiwn), byddant hwythau hefyd yn ddarostyngedig i’r cyfreithiau diogelu data.

Trosglwyddiadau rhyngwladol
Nid ydym yn trosglwyddo (nac yn caniatáu i’n darparwyr gwasanaethau trydydd parti drosglwyddo) eich gwybodaeth bersonol
y tu allan i’r Ardal Economaidd Ewropeaidd.

Diogelwch data
Rydym wedi rhoi mesurau diogelwch priodol ar waith i atal eich gwybodaeth bersonol rhag cael ei cholli’n ddamweiniol, ei defnyddio neu ei chyrchu mewn ffordd anawdurdodedig, ei newid neu ei datgelu. Yn ogystal, rydym yn cyfyngu mynediad at eich gwybodaeth bersonol i’r cyflogeion, yr asiantau, y contractwyr a’r trydydd partïon eraill hynny y mae angen iddynt wybod at ddibenion busnes. Dim ond ar ein cyfarwyddyd y byddant yn prosesu eich gwybodaeth bersonol, ac maent yn ddarostyngedig i ddyletswydd cyfrinachedd. Gellir cael manylion y mesurau hyn gennym drwy ddefnyddio’r manylion yn yr adran “Cysylltu â ni” isod.

Rydym hefyd wedi rhoi gweithdrefnau ar waith i ymdrin ag unrhyw achos tybiedig o dorri diogelwch data, a byddwn yn rhoi gwybod i chi ac i unrhyw reoleiddiwr perthnasol am achos tybiedig o dorri diogelwch pan fo’n ofynnol i ni yn gyfreithiol wneud hynny.

Am ba hyd y byddwn yn cadw eich gwybodaeth bersonol?
Byddwn yn cadw eich data personol dim ond cyhyd ag y bo angen i gyflawni’r dibenion y gwnaethom ei gasglu ar eu cyfer, gan gynnwys at ddibenion bodloni unrhyw ofynion cyfreithiol, cyfrifyddu neu adrodd. Er mwyn penderfynu ar y cyfnod cadw priodol ar gyfer data personol, rydym yn ystyried swm, natur a sensitifrwydd y data personol, y risg bosibl o niwed yn sgil defnyddio neu ddatgelu eich data personol heb awdurdod, y dibenion rydym yn prosesu eich data personol ar eu cyfer ac a allwn gyflawni’r dibenion hynny drwy ddulliau eraill, a’r gofynion cyfreithiol perthnasol.

Yn ôl y gyfraith, mae’n rhaid i ni gadw gwybodaeth sylfaenol am ein cwsmeriaid (gan gynnwys Data cyswllt, hunaniaeth, ariannol a thrafodion) am chwe blynedd ar ôl iddynt beidio â bod yn gwsmeriaid, at ddibenion cyfreithiol a threth.

Mewn rhai amgylchiadau, gallwch ofyn i ni ddileu eich data: gweler yr adran isod am ragor o wybodaeth. Sylwch y gallwn wneud eich data personol yn ddienw (fel na ellir ei gysylltu â chi mwyach) at ddibenion ymchwil neu ystadegol, ac os felly gallwn ddefnyddio’r wybodaeth hon am gyfnod amhenodol heb roi rhybudd pellach i chi.

Eich hawliau diogelu data
Mewn rhai amgylchiadau, mae gennych hawliau o dan y cyfreithiau diogelu data mewn perthynas â’ch gwybodaeth bersonol. Gall hyn gynnwys yr hawliau canlynol:

• Gofyn am fynediad at eich gwybodaeth bersonol (a elwir yn gyffredin yn “gais gwrthrych am wybodaeth”). Mae hyn yn eich galluogi i gael copi o’r wybodaeth bersonol sydd gennym amdanoch ac i wirio ein bod yn ei phrosesu’n gyfreithlon.
• Gofyn am gywiro’r wybodaeth bersonol sydd gennym amdanoch. Mae hyn yn eich galluogi i sicrhau bod unrhyw wybodaeth anghyflawn neu anghywir sydd gennym amdanoch yn cael ei chywiro.
• Gofyn am ddileu eich gwybodaeth bersonol. Mae hyn yn eich galluogi i ofyn i ni ddileu neu waredu gwybodaeth bersonol pan nad oes rheswm da i ni barhau i’w phrosesu. Mae gennych hefyd hawl i ofyn i ni ddileu neu waredu eich gwybodaeth bersonol pan fyddwch wedi arfer eich hawl i wrthwynebu prosesu (gweler isod).
• Gwrthwynebu prosesu eich gwybodaeth bersonol. Mae’r hawl hon yn berthnasol pan fyddwn yn dibynnu ar ein buddiannau cyfreithlon (neu fuddiannau trydydd parti) a bod rhywbeth am eich sefyllfa benodol sy’n peri i chi fod eisiau gwrthwynebu prosesu ar y sail hon. Mae gennych hefyd hawl i wrthwynebu pan fyddwn yn prosesu eich gwybodaeth bersonol at ddibenion marchnata uniongyrchol.
• Gofyn am gyfyngu ar brosesu eich gwybodaeth bersonol. Mae hyn yn eich galluogi i ofyn i ni atal prosesu gwybodaeth bersonol amdanoch dros dro, er enghraifft os ydych am i ni gadarnhau ei chywirdeb neu’r rheswm dros ei phrosesu.
• Gofyn am drosglwyddo eich gwybodaeth bersonol i barti arall (a elwir yn “hawl i gludadwyedd data”).
• Yr hawl i dynnu cydsyniad yn ôl. Mewn unrhyw amgylchiadau pan fyddwn wedi dibynnu ar eich cydsyniad i gasglu, prosesu a throsglwyddo eich gwybodaeth bersonol at ddiben penodol, mae gennych hawl i dynnu eich cydsyniad yn ôl ar gyfer y prosesu penodol hwnnw ar unrhyw adeg. Unwaith y byddwn wedi cael hysbysiad eich bod wedi tynnu eich cydsyniad yn ôl, ni fyddwn yn prosesu eich gwybodaeth mwyach at y diben neu’r dibenion y gwnaethoch gytuno iddynt yn wreiddiol, oni bai bod gennym sail gyfreithlon arall dros wneud hynny yn ôl y gyfraith. Ni fydd hyn yn effeithio ar gyfreithlondeb unrhyw brosesu a wnaed cyn i chi dynnu eich cydsyniad yn ôl.

Os hoffech arfer unrhyw un o’r hawliau a nodir uchod, cysylltwch â ni gan ddefnyddio’r manylion yn ein hadran “Cysylltu â ni” isod.

Ni fydd yn rhaid i chi dalu ffi i gael mynediad at eich gwybodaeth bersonol (nac i arfer unrhyw un o’r hawliau eraill). Fodd bynnag, gallwn godi ffi resymol os yw eich cais yn amlwg yn ddi-sail, yn ailadroddus neu’n ormodol. Fel arall, gallwn wrthod cydymffurfio â’ch cais o dan yr amgylchiadau hyn.

Efallai y bydd angen i ni ofyn i chi am wybodaeth benodol i’n helpu i gadarnhau pwy ydych a sicrhau eich hawl i gael mynediad at eich gwybodaeth bersonol (neu i arfer unrhyw un o’ch hawliau eraill). Mesur diogelwch yw hwn i sicrhau na chaiff gwybodaeth bersonol ei datgelu i unrhyw berson nad oes ganddo hawl i’w chael. Gallwn hefyd gysylltu â chi i ofyn am ragor o wybodaeth mewn perthynas â’ch cais er mwyn cyflymu ein hymateb.

Rydym yn ceisio ymateb i bob cais dilys o fewn mis. Weithiau, gall gymryd mwy na mis i ni os yw eich cais yn arbennig o gymhleth neu os ydych wedi gwneud nifer o geisiadau. Os felly, byddwn yn rhoi gwybod i chi ac yn rhoi’r wybodaeth ddiweddaraf i chi.

Awdurdod Diogelu Data
Mae gennych hawl i wneud cwyn ar unrhyw adeg i awdurdod goruchwylio’r DU ar gyfer materion diogelu data, sef Swyddfa’r Comisiynydd Gwybodaeth (ICO). Gellir gweld manylion yr ICO ar ei gwefan yn https://ico.org.uk/global/contact-us/

Fodd bynnag, byddem yn gwerthfawrogi’r cyfle i ymdrin â’ch pryderon cyn i chi gysylltu â’r ICO, felly cysylltwch â ni gan ddefnyddio’r manylion yn ein hadran “Cysylltu â ni” isod.

Newidiadau i’r hysbysiad preifatrwydd hwn
Rydym yn cadw’r hawl i ddiweddaru’r hysbysiad preifatrwydd hwn ar unrhyw adeg, a byddwn yn rhoi hysbysiad preifatrwydd newydd i chi pan fyddwn yn gwneud unrhyw ddiweddariadau sylweddol. Gallwn hefyd roi gwybod i chi mewn ffyrdd eraill o bryd i’w gilydd am brosesu eich gwybodaeth bersonol.

Os oes gennych unrhyw gwestiynau am yr hysbysiad preifatrwydd hwn, rhowch wybod i ni gan ddefnyddio’r manylion yn yr adran “Cysylltu â ni” isod.

Cysylltu â ni
Dyma ein manylion:
My Future Choice Group Limited
97 Alderley Road
Wilmslow
Cheshire
SK9 1PT
Y DU
Ffôn: +44 (0)1362 688722
E-bost: [email protected]